Broodpudding

Voor de kerst had ik beloofd dat ik zou komen met een recept voor broodpudding. En voor de mensen die nu afhaken omdat pudding hen doet denken aan puddingvellen, die kan ik gerust stellen: er komt geen vel aan te pas.

Deze broodpudding is voor ongeveer 8 personen en ik maak hem met appel. 

Je hebt nodig: 4 eierdooiers, 4 eetlepels suiker, 1 zakje vanillesuiker en 250 gram (volle) melk.

Klop met een mixer de dooiers en de beide suikers tot een romige crême en schenk dan al mixend de melk erbij.

Snij van brood dat je over hebt (ongeveer 6 sneden) driehoekjes en zet ze dakpansgewijs in je licht ingevette bakblik of ovenschaal. Het maakt niks uit wat voor brood, krentenbrood, suikerbrood, stokbrood enz. het kan allemaal. 

Schil 1 grote appel, doe hem in vieren, verwijder het klokhuis en snij hem dan in schijfjes. Stop deze schijfjes tussen de brood sneetjes. Schenk dan het eier/melkmengsel over het brood in de schaal. Druk het brood even goed aan zodat het vocht goed opgenomen wordt. 
Ondertussen verwarm je de oven voor op 200 graden. Zodra de oven warm genoeg is zet je de broodpudding er in en afhankelijk van je oven duurt het ongeveer 20 - 25 minuten tot de broodpudding gaar en goudbruin is.
Strooi eventueel wat poedersuiker over de pudding voor je hem serveert. 
Smakelijk, lekker ite.

Noflike krystdagen

Wat wie it in gesellige en drokke tiid by it Groencentrum Wytmarsum mei op tiisdei "Koffie met Pieteke" en op freed de high teas. No is der wer eefkes tiid foar wat oars en dus ek in bloch om jim noflike krystdagen te winskjen.
Yn de dagen nei de kryst set ik in resept foar bôlepudding online. Dit is in resept fan in neigesetsje mei âlde bôle (wite bôle, stokbôle, krintebôle, sûkerbôle, wat foar bôle dan ek). Dus goai foaral neat fuort fan wat der oerbliuwt dizze krystdagen.

En wolst wat by my bestelle of sjen wat der allegear te bestellen is, dan kin dat fia de webside fan thuisafgehaald. 

Ik winskje jimme noflike krystdagen. 

Bakke, bakke en nochris bakke

De kommende moanne sil ik hiel wat bakke. Groencentrum Witmarsum hat my ûnderdak jûn mar sûnder dy kin ik fansels net. Kom del op tiisdeitemiddei (14.00 - 17.00) foar 'Koffie met Pieteke' en nim in lekker stikje boereapelkeek of alvestêdebrok. Of kies de taart fan de wike, folgje it Groencentrum op facebook of twitter om dit te witten te kommen.
Of noegje jim mem of in freondin út foar in heerlike high tea. Alles farsk bakt troch my. Wolst dy opjaan? Dat kin fia dizze webside.
Ik hoopje dy te sjen de kommende tiid, is it net by de byb dan miskien wol yn Wytmarsum. Kinst daliks de moaie krystshow sjen en fêst yn de sfear komme.

Froulju ferwenjûn

It giet hinne! Bak en brij giet de boer op. No ja, it Groencentrum yn kin ik better sizze. Op 18 en 19 novimber stean ik yn Wytmarsum op de Froulju ferwenjûnen fan Groencentrum Witmarsum. Dat is wer ris wat oars dan bakke op bestelling fia Thuisafgehaald. Ik bak wat lekkers foar jim om te priuwen en/of te keapjen. Do hoechst hielendal neat te dwaan, allinich mar genietsje fan alles wat der te sjen en te dwaan is. Moatst dy wol eefkes opjaan ast komme wolst en dat kin hjir.

Understeboppe rabarbertaart

Der binne wat minsken dy 't rabarber op de tún hawwe en net goed witte wat se der allegear mei kinne/sille. Ik ha hjir al ris in neigesetsje mei rabarber op dit blog setten. En no dan in resept foar in ûndersteboppe rabarbertaart. Dan kinne jim allegear mar los yn de keuken. En binne der minsken yn de buert fan Wommels dy 't tefolle fan dat guod hawwe, dan witte jim no wa 't it wol hawwe wol :-)

Dit resept ha ik foarich jier út it tiidskrift Landleven helle. 

Foar de krommellaach
60 gram kâlde bûter
60 gram wytmoal
40 gram sûker
snufke sâlt

Foar de rabarberlaach
250 gram rabarber
50 gram sûker 

Foar de cake
150 gram wytmoal
1,5 tl bakpoeier
snufke sâlt
100 gram bûter op keamertemperatuer
100 gram sûker
heale tl sinesappelrasp
1 yl farsk parst sinesappelsop
2 aaien
125 gram soere rjemme

Waarmje de ûne op 175 graden foar. Meitsje de krommellaach troch it mei de fingers goed troch mekoar te mingen oant it krommels binne. Set it dan eefkes yn de kelder of kuolkast.

Fetsje de taartboaiem yn mei bûter. Ming de wosken en yn grutte stikken snijde rabarber mei de sûker en ferdiel dit op de boaiem fan de taartfoarm.

Seef boppe in kom de wytmoal, de bakpoeier en it sâlt. Doch yn in oare kom de bûter en de sûker en miks it oant it sacht is. Doch dan de rasp en it sinesappelsop derby en goed troch mekoar. Dan ien foar ien de aaien oant se goed opnommen binne. Dernei yn trije kear it wytmoalmingsel derby en dan de soere rjemme. Jit dit cakebeslach oer de rabarber en stryk it glêd. Helje dan de krommels wer foar it ljocht en griem dat der wat oerhinne. Bak de taart dan sa 'n sechstich minuten yn de ûne. Lit 'm in heal oere ôfkuolje en draai him dan om op in grutte skaal en lit fierder ôfkuolje. Ik soe sizze, genietsje derfan by in kopke tee yn de tún en yn it sintsje dan is it hielendal in feest.

Ik doch in stik bakpapier ûnder yn de bakfoarm want rabarber docht nochal in oanslach op de foarm. Ik brûk ek hieltyd deselde foarm foar rabarbertaart en as de rabarber op is dan goai ik de foarm yn it jiskefet.

Dropmantsjes

 

Op pinterest wie ik al in skoft lyn leuke dropmantsjes tsjin kommen om op te traktearjen. Ik hie it ek op myn eigen akkount pint en de soan al ris sjen litten. Earst wie hy net sa entûsjast mar doe 't it safier wie en ik sei wêr wolst op trakteare? Doe woe er dochs de dropmantsjes meitsje. Dizze mem op syk nei de 3 ferskillende dropsoarten dy 't nedich binne. Dat wie noch eefkes krityk mar lokkich hie de AH yn Snits wat Jumbo Wommels en it dropwinkeltsje (net krigen/levere) net hiene. Justerjûn noch by ús eigen grienteboer Douwe farske mandarijnen kocht en doe koe it wurde.

 

De traktaasje komt fan dizze webside: www.knutselopdrachten.nl en dêr kinst ek krekt lêze hoe 'st de mantsjes makkest. De soan en ik hawwe in noflik oerke oan it freubeljen west. Wy hawwe der ek in pear sjinezen by dien foar de fariaasje. Miskien is it ek wat foar dy om te meitsjen mei dyn soan/dochter. It is perfoarst net dreech om te dwaan en it is ek noch foar de helte in sûne traktaasje :-)